BB車上既座布一般用料係Polyester，但顏色選擇則五花八門。建議盡量唔選用帶有螢光同埋鮮色既座布，因為長時間用咗之後，較容易變舊同污跡度相對明顯。小編因爲實在洗車太多，發現鮮色既車污跡特別明顯！
其實近年較流行用Cationic fabric 陽離子布料，睇起來時尚、耐礳而且容易清洗，仲有好多運動牌子都用陽離子嘅布料黎做運動衫～
另外，小編認為有網格既布料係最唔建議用，雖然網格布料是比較通爽、散熱快，但實在太容易令垃圾殘渣留喺布入面，而且有入無出，唔易於清洗，長遠滋生大量細菌。如果真係需要用網格散熱，不如多買一個涼蓆取代，起碼涼蓆污糟左都可以換～
坊間有好幾個品牌嘅BB車座布都係可以拆出黎洗嘅，小編認為能夠拆出黎其實係一件好事。不過，由於唔係個個好似我哋咁專業而且好多座布拆後並唔容易裝回，有啲品牌嘅裝配位極為複雜，如果有咩裝錯咗其實後果可以好嚴重，隨時會令BB跌咗出嚟，所以都係建議搵返我哋洗啦～
我們樂意聆聽您的意見及查詢
